Mom & Baby Magazine, အတွဲ (၁)၊ အမှတ် (၁)
ကစ်တုန်က ငါးတန်းတက်နေတဲ့ ကျောင်းသားလေးတစ်ယောက်ပါ။ ကစ်တုန်ရဲ့ ကျောင်းနာမည် က ဝေဟင်ထွဋ်ခေါင် ဖြစ်ပေမဲ့ မွေးကာစက အသားဖြူဖြူ ပါးဖောင်းဖောင်းကစ်ကစ် မျက်လုံး ၀ိုင်းဝိုင်းလေးနဲ့မို့ ကစ်တုန်ရဲ့ဖေကြီးနဲ့မေကြီးက ချစ်စနိုးနဲ့ ကစ်တုန်လို့ အိမ်နာမည်ပေးထားတယ်။ ကစ်တုန်က တစ်ဦးထဲသော သားဖြစ်တယ်။ မျောက်ရှုံးအောင်ဆော့တယ်။ ဥာဏ်ကောင်းပေမဲ့ အတန်းထဲမှာ စာအတော်ကြီးမဟုတ်ဘူး။ တီထွင်ကစားရတာ၊ စွန့်စားရတာ ၀ါသနာပါတယ်။ အကြောက်အလန့်မရှိဘူး။ ပေါင်းသင်းဆက်ဆံရေး ဆန့်တယ်။ အထူးခြားဆုံးက ငယ်စဉ်ထဲက သီချင်းတွေကို ကြားရုံနဲ့ မှတ်မိနေတတ်ပြီး၊ စည်းဝါးကိုက်အောင် အလွယ်တကူ ပြန်ဆိုနိုင်တယ်။ ကစ်တုန်ရဲ့ ဖေကြီးနဲ့မေကြီးကလဲ သီချင်းတွေကြိုက် တော့ အိမ်မှာဖွင့်နားထောင်ရင်း ကစ်တုန်ပါ နားယဉ်လာပြီး သီချင်းတွေ ကြိုက်တတ်လာတယ်။ သီချင်းကြိုက်တဲ့ ကစ်တုန်က သီချင်းလေး အမြဲညည်းနေတတ်တယ်။ ကျောင်းမှာ စာရေးစားပွဲခုံကို ပေတံနဲ့ ခေါက်ပြီး သီချင်းအဆိုကောင်းလို့ ခနခန ဒဏ်ပေးခံရတယ်။
ကစ်တုန်က သီချင်းတွေထဲမှာ ရော့ခ်သီချင်းတွေဆို အရမ်းကြိုက်တယ်။ ရွှေတိဂုံဘုရားစောင်း တန်းက ဖေကြီးဝယ်ပေးထားတဲ့ သစ်သားဂစ်တာလေးကို ဟန်ကျပန်ကျ တဗြန်းဗြန်း တီးရင်း ရော့ခ်သီချင်းတွေကို အာပြဲအောင် အော်ဆိုရတာကို သိပ်သဘောကျတယ်။ ကစ်တုန်အကြိုက်ဆုံး နာမည်ကြီး အမျိုးသမီး ရော့ခ်ကာတစ်ဦး ရှိတယ်။ သူ့နာမည်က ရှိန်းမြင့်မိုရ်ထက်တဲ့။ သူ့ရဲ့ ထူထူရှရှအသံနဲ့ ရော့ခ်သီချင်းတွေဆို ကစ်တုန်အသည်းစွဲပဲပေါ့။ သူ့သီချင်းတွေဆို အိမ်မှာ အာပြဲနဲ့ အော်ဆိုလွန်းလို့ ကစ်တုန်ရဲ့ ဖေကြီးနဲ့မေကြီး တင် နားငြီးတယ် ပြောတာမဟုတ်ဘူး၊ ကစ်တုန်ရဲ့ အသည်းကျော် တယ်ရီယာခွေးလေး ဘူဘူးကတောင် နားငြီးလွန်းလို့ တ၀ုတ်ဝုတ် ထိုးဟောင်ပြီး အားပေးတာခံရတယ်။
ပြီးခဲ့တဲ့ နွေရာသီကျောင်းပိတ်ရက်တုန်းက ကစ်တုန်ရဲ့ဖေကြီး အလုပ်တွေမအားလို့ ခရီးမထွက်ရတာမို့၊ ဒီနှစ်တော့ ကစ်တုန်ရယ်၊ ဘူဘူးရယ်၊ ဖေကြီးမေကြီးတို့နဲ့အတူ မြို့သာယာကို အလည်သွားကြတယ်။ မြို့သာယာမြို့လေးက ပင်လယ်ရေမျက်နှာပြင်ထက်က တောင်ပေါ်မြို့လေး ဖြစ်တယ်။ ကစ်တုန် သိပ်ကြိုက်တဲ့ နွားနို့ လတ်လတ်ဆတ်ဆတ်တွေ၊ နီရဲချိုမြနေတဲ့ စတော်ဘယ်ရီသီး အကြီးကြီးတွေ ပေါပေါ များများရတဲ့ ဒေသဖြစ်တယ်။ပန်းရောင်စုံတွေ ဝေေ၀ဆာဆာနဲ့ မွှေးမြဖူးပွင့်ကြပြီး၊ နွေရာသီလို အချိန် မျိုးမှာတောင် နှင်းတွေ ခဲနေအောင်ကျတဲ့ဒေသဆိုတာကို ခရီးမထွက်ခင် ကစ်တုန်က ဖေကြီးနဲ့အတူ အင်တာနက်ကနေ သတင်း အချက်အလက်တွေ ကြိုတင်ရှာထားလို့ သိထားနှင့်ပြီးပြီ။
ဒါကြောင့် မြို့သာယာမြို့လေးကို အခုမှ ပထမဆုံးရောက်ဖူးလို့ အင်တာနက်ထဲက ကြိုတွေ့ထားတဲ့ ပတ်ဝန်းကျင် မြင်ကွင်းအသစ်တစ်ခုကို တွေ့လိုက်ရတိုင်း ကစ်တုန်တစ်ယောက် သူ့ဖေကြီးမေကြီး တို့ကို ပြပြီး အပျော်ကြီး ပျော်နေမိတယ်။ ပန်းခြံထဲက နှင်းပြင်ကြီးထဲမှာ နှင်းလျောစီး ရင်း နှင်းဘော လုံးလေးတွေနဲ့ ဘူဘူးလေးကို ပစ်ပေါက်ရင်း စိမ်ပြေးတမ်း ကစားကြတယ်။ ဘူဘူးလေးလဲ တ၀ုတ်ဝုတ်ဟောင်ရင်း ဟိုပြေးဒီပြေးနဲ့ မမောပမ်းနိုင်အောင် အပျော်လွန်နေရှာတယ်။
ခွေးလေးဘူဘူးထက် အပျော်လွန်နေတဲ့သူတစ်ဦး ရှိပါတယ်။ အဲ့တာက ကစ်တုန်ပါပဲ။ ဘာလို့ဆိုတော့ တိုက်တိုက်ဆိုင်ဆိုင် ကစ်တုန်တို့မိသားစု ရန်ကုန်မပြန်ခင် နောက်ဆုံးညမှာ ကစ်တုန်သိပ်ကြိုက်တဲ့ အမျိုးသမီး ရော့ခ်ကာ ရှိန်းမြင့်မိုရ်ထက် မြို့သာမြို့လေးမှာ တကိုယ်တော်အထူးဖျော်ဖြေပွဲ လာလုပ်မယ်၊ အဲ့ဒီ ဖျော်ဖြေပွဲကို ကြည့်ဖို့ ဖေကြီးက လက်မှတ်ကြိုတင်ဝယ်ထားပါတယ်။ တီဗီထဲမှာ၊ ဗီစီဒီထဲမှာသာမြင်ဖူးတဲ့ ရော့ခ်ကာ ရှိန်းမြင့်မိုရ်ထက်ရဲ့ စတိတ်ရှိုးကို ကစ်တုန်တစ်ယောက် အပြင်မှာ အရှင်လတ်လတ် ကြည့်ဖူးရတော့မှာမို့ ၀မ်းသာလုံးဆို့နေပါတယ်။
ည(၈)နာရီတိတိမှာ စတိတ်ရှိုးစမှာမို့ ကစ်တုန်တို့မိသားစု တည်းခိုတဲ့ လမင်းတာရာတည်းခိုခန်းကို ညနေစောစော ပြန်လာခဲ့ပါတယ်။ ညစာစားပြီးမှ စတိတ်ရှိုးကိုသွားမှာမို့ ရေချိုးအ၀တ်အစားလဲပြီးတဲ့ ကစ်တုန်တစ်ယောက် ဖေကြီးနဲ့မေကြီး ရေမိုးချိုးတာကို စောင့်ရင်း တည်းခိုခန်းရဲ့ခြံဝင်းထဲမှာ ခွေးလေး ဘူဘူးနဲ့ ဟိုဟိုသည်သည် လမ်းလျှောက်ကြည့်နေမိပါတယ်။ ခြံဝင်းထဲမှာ ပန်းတွေအများကြီး စိုက်ထားလို့ ညနေခင်းရဲ့ လေပြည်အေးအေးလေး တိုက်ခတ်လိုက်ချိန်မှာ ပန်းရနံ့မွှေးမွှေးလေးတွေရဲ့ မွှေးရနံ့ကို ကစ်တုန် ရှူရှိုက် မိပါတယ်။
အဲ့ဒီအချိန်မှာ ခြံထဲကို အဖြူရောင်ကားလှလှလေးတစ်စီး ၀င်လာပါတယ်။ ကားက တည်းခိုခန်းရဲ့ ပေါ်တီကိုဘေးမှာ ရပ်လိုက်ပါတယ်။ ကားပေါ်ကနေ တီရှပ်အဖြူ၊ ဂျင်းဘောင်းအပြာနဲ့ လျှာထိုးပါတဲ့ ဦးထုတ် အပြာရောင်ကို ခပ်စိုက်စိုက်ဆောင်းထားတဲ့ အမျိုးသမီးတစ်ယောက် ဆင်းလာပါတယ်။ ကစ်တုန်တစ်ယောက် ဘူဘူးလေးကို ပွေ့ပိုက်ရင်း တည်းခိုးခန်းထဲကို အပြေးပြန်လာချိန် အဲ့ဒီအမျိုးသမီးနဲ့ အမှတ်မထင် ၀င်တိုက်မိရင်း ချော်လဲကျသွားပါတယ်။ ဒူးခေါင်းမှာ နီရဲသွားပြီး အနည်းငယ်ပွန်းသွားပေမဲ့ ကစ်တုန် ရှက်ရှက်နဲ့ ချက်ချင်းပြန်ထမလို့ လုပ်ချိန်မှာပဲ၊ အမျိုးသမီးက ကစ်တုန်ကို ဆွဲထူပေးလိုက်ပါတယ်။
“အို… ကလေး.. ချော်လဲတာ နာသွားပြီ၊ မမ တောင်းပန်ပါတယ်၊ ထနော် ထ”
ကစ်တုန် ဒူးခေါင်းက နာနေတာ မေ့သွားပါတယ်။ အမျိုးသမီးက နေကာမျက်မှန်အမည်း တပ်ထားပြီး ခြေထောက်မှာ ဇစ်တွေ သံဆူးလေးတွေ တတ်ထားတဲ့ ခွာမြင့်လည်ရှည်ဖိနပ်ကြီး စီးထားပါတယ်။ ကစ်တုန် ဒီအပြင်အဆင် အ၀တ်အစားမျိုးကို ရင်းရင်းနှီးနှီး သိနေပါတယ်။ လူမကြောက်တတ်တဲ့ ကစ်တုန်တစ်ယောက် ချက်ချင်းပဲ အမျိုးသမီးကို မေးလိုက်မိပါတယ်။
“မမ… မမက အဆိုတော် ရှိန်းမြင့်မိုရ်ထက် မဟုတ်လား”
“ဟယ်.. သားက သိပ်တော်တာပဲ၊ မမ ရုပ်ဖျက်လာတောင် မှတ်မိတယ်”
သူသိပ်ကြိုက်လွန်းတဲ့ ရော့ခ်အဆိုတော်က သူ့ရှေ့မှောက်ရောက်လာပြီး စကားပြောခွင့်ရနေတာမို့ ကစ်တုန်တစ်ယောက် အရမ်းဝမ်းသာသွားပြီး “ဟုတ်ကဲ့၊ သားက မမသီချင်းတွေ အရမ်းကြိုက်တယ်၊ အကုန် အလွတ်ရတယ်၊ မယုံရင် ဆိုပြရမလား”
အဆိုတော် ရှိန်းမြင့်မိုရ်ထက်က သဘောကျစွာနဲ့ ကစ်တုန်ကို “ကဲ.. ဒါဆို ဆိုပြပါဦး၊ ဟုတ်မဟုတ် မမ နားထောင်မယ်” လို့ ပြောပါတယ်။
“စာနာပါ… နားလည်ပါ… မေတ္တာတွေထားပါ…
ကမ္ဘာမြေဟာ လှနေမှာ…
ချိုသာစွာ…ပြောဆိုပါ… အကြင်နာတွေ မျှဝေပါ
လူသားတို့အတူတူ ငြိမ်းချမ်းမှုအောက်မှာ ”
စပ်ကျမတ်ကျ သီချင်းကို ဆိုပြလိုက်ယုံမကပဲ ဒူးခေါင်းက နာနေတာကိုတောင် ကစ်တုန်မေ့သွားပြီး ရှိန်းမြင့်မိုရ်ထက် အဲ့ဒီသီချင်းဆိုတိုင်း လုပ်နေကျအိုက်တင်ဖြစ်တဲ့ ခန္ဓာကိုယ်ကို တစ်ပတ်လှည့်ပြီး ခါးလေးပါ ညွတ်ပြလိုက်တယ်။ ရှိန်းထက်မြင့်မိုရ်က သဘောကျလွန်းလို့ လက်ခုပ်တီးပြီး အားပါးတရ ရယ်မောပါတယ်။ ကစ်တုန်လဲ အဲ့ဒီတော့မှ ရှက်ယမ်းယမ်းပြီး ခြံဝကို ပြေးထွက်ခဲ့ပါတယ်။ ခွေးလေး ဘူဘူးက ကစ်တုန်ရဲ့ နောက်ကနေ အမြီးလေး လှုပ်ယမ်းပြီး အပြေးလိုက်လာပါတယ်။
ခြံအပြင်ရောက်တော့ ခွေးလေးဘူဘူးက ဟိုးအဝေးမှာ လှမ်းမြင်နေရတဲ့ လမ်းကြားလေးဆီ မပြောမဆို တ၀ုတ်ဝုတ်ဟောင်ရင်း ထွက်ပြေးသွားပါတယ်။ ရန်ကုန်က ခြံထဲမှာလို ဘူဘူးလေးတစ်ကောင် စိန်ပြေးတမ်း ဆော့ချင်နေပြီ ထင်ပါရဲ့။ ကစ်တုန်လဲ ပြေးသွားတဲ့ ဘူဘူးလေးနောက်ကို မျက်ခြေမပြတ် အပြေးလိုက်ပါတယ်။ ခုန ချော်လဲထားတဲ့ ကစ်တုန်ရဲ့ဒူးခေါင်းက ဒဏ်ရာက အခုမှ ပြေးရင်း နာစပြုလာပါပြီ။
“ဘူဘူးရေ… မပြေးနဲ့… လိမ်မာတယ်… ပြန်လာ.. ငါ့ခြေထောက်နာနေတယ်ကွ… အဝေးကြီး မပြေးနိုင်ဘူး… အခုလို လျှောက်သွားတာ မေကြီးသိရင် ငါတို့ ဆူခံရလိမ့်မယ်နော်”
လမ်းလေးအတိုင်း ဘူဘူးနောက်ကို အော်ခေါ်ရင်း ပြေးလာလိုက်တာ လမ်းကွေ့လေးနားလဲ ရောက်ရော တ၀ုတ်ဝုတ်သူ့ကို ဟောင်နေတဲ့ ဘူဘူးလေးကို ပွေ့ဖမ်းလိုက်နိုင်ပါတော့တယ်။ အမိခံလိုက်ရတဲ့ ဘူဘူးလေးက တ၀ုတ်ဝုတ်ဟောင်ရင်း ထုံးစံအတိုင်း ကစ်တုန်ရဲ့မျက်နှာကို လျှာနဲ့လှမ်းလျှက်ပါတယ်။ ဘူဘူးနောက် ပြေးလိုက်လာခဲ့တာ ဘာလိုလိုနဲ့ တည်းခိုခန်းနဲ့ နည်းနည်းတောင် လှမ်းသွားခဲ့ပါပြီ။ ဒါနဲ့ လာရာလမ်းအတိုင်း ဘူဘူးလေးကို ပွေ့လို့ တည်းခိုခန်းကို ပြန်ဖို့ ခြေဦးနောက်ပြန်လှည့်လိုက်ပါတယ်။
အဲ့ဒီအချိန်မှာ ကစ်တုန်ရဲ့ ရှေ့နားမှာတွေ့လိုက်ရတာက အမျိုးသမီးကြီးတစ်ယောက်နဲ့ အမျိုးသားကြီး တစ်ယောက်။ ဗလကောင်းကောင်းနဲ့ အမျိုးသားကြီးရဲ့မျက်နှာက တင်းမာခက်ထန်နေလိုက်တာများ ကစ်တုန်မပြောနဲ့ ဘူဘူးတောင် ကြောက်လန့်ပြီး ဟောင်သံတိတ်သွားတယ်။
အဲ့ဒီမှာ အမျိုးသမီးကြီးက “သားလေး.. ဒေါ်ကြီးတို့က သားလေးရဲ့ ဖေဖေနဲ့မေမေ ခေါ်ခိုင်းလိုက်လို့ သားလေးတို့ကို လိုက်ခေါ်တာ၊ လာ… ဒေါ်ကြီးတို့နဲ့ ပြန်လိုက်ခဲ့၊ ကြည့်စမ်း ဒူးခေါင်းမှာလဲ ချော်လဲထားတဲ့ ဒဏ်ရာနဲ့၊ လမ်းလျှောက်နိုင်မယ်မထင်ဘူး၊ ချီသွားမှဖြစ်မှာပါ”
ပြောပြောဆိုဆို မျက်နှာတင်းတင်းနဲ့ ဦးလေးကြီးက သူ့ဗလကြီးနဲ့ ဘူဘူးလေးနဲ့သူ့ကို လက်တစ်ဘက်တစ်ချက်ဆီကနေ စွေ့ခနဲပွေ့ချီလိုက်ပြီး မလှမ်းမကမ်းမှာ စက်မသပ်ပဲ ရပ်ထားတဲ့ ကားအစုတ်တစီးပေါ်ကို ခပ်သွက်သွက် တွန်းတင်လိုက်တယ်။ ကစ်တုန်စိတ်ထဲ တစ်ခါမှ မမြင်ဘူးတဲ့ ဒီလူတွေက ဖေကြီးမေကြီးတို့ရဲ့ မိတ်ဆွေတွေ မဖြစ်နိုင်ဘူးဆိုတဲ့ အန္တရာယ်အငွေ့အသက်ကို ခံစားမိလိုက် ပါတယ်။
“သားကိုလွှတ်ပေး… သားကိုလွှတ်ပေး” လို့ ရုန်းကန်ရင်း အော်နေတဲ့ ကစ်တုန်ရဲ့ပါးစပ်ကို ဒေါ်ကြီးက လက်နဲ့ပိတ်ထားလို့ ကစ်တုန်တစ်ယောက် ၀ူးဝူးဝါးဝါးဖြစ်နေတော့တယ်။ သေချာပါပြီ။ ဒီလူတွေက ကစ်တုန်မိဘတွေရဲ့ မိတ်ဆွေ ဘယ်လိုနည်းနဲ့မှ မဖြစ်နိုင်ပါဘူး။ ကားနောက်ခန်းထဲကို ကစ်တုန်၊ ဘူဘူးနဲ့အတူ အဒေါ်ကြီးရောက်ချိန်မှာ ဦးလေးကြီးက ကားကို အလျင်စလို မောင်းထွက်လိုက်ပါတယ်။ ကားက ဖေကြီးနဲ့ မေကြီးရှိရာ တည်းခိုခန်းဆီမဟုတ်ပဲ ဆန့်ကျင်ဘက်လမ်းကို မောင်းနေလို့ ကစ်တုန် အရမ်းကို ကြောက်လန့်မိ သွားတယ်။
“ပြန်ပို့ပေး… ပြန်ပို့ပေး… သားကို ပြန်ပို့ပေး…”
“၀ုတ်… ၀ုတ်…၀ုတ် ”
ကားက စုတ်ပြီးဟောင်းနေတော့ စက်သံတဂွီးဂွီးနဲ့ ကားဘေးမှာ မီးခိုးငွေ့တွေ တထောင်းထောင်း ထွက်နေပေမဲ့ ဦးလေးကြီးက ရအောင်မောင်းလာပါတယ်။ ကစ်တုန်နဲ့ ဘူဘူးလေးကတော့ ကားပေါ်ကနေ အအော်မပျက် အဟောင်မပျက်ပါပဲ။ ကားပေါ်မှာ တောက်လျှောက် တွေးလာပါတယ်။ မေကြီးက “ခြံထဲမှာပဲ ကစားနော်၊ ခြံပြင်မထွက်ရဘူး” လို့ သေချာမှာတာကို နားမထောင်လို့ အခုတော့ အဖမ်းခံရပြီ၊ မေကြီးတစ်ခါပြောပြတဲ့ ကလေးတွေကို လိုက်ဖမ်းပြီး သူတောင်းစားလုပ်ခိုင်းတယ်၊ တခြားတိုင်းပြည်ကို ရောင်းစားတယ်ဆိုတာမျိုး ကစ်တုန်တော့ အလုပ်ခံရပြီထင်တယ်၊ ခုလောက်ဆို ဖေကြီးနဲမေကြီး ဘယ်လောက်များ စိတ်ပူနေမလဲဆို တွေးမိလိုက်၊ ဒီလောက်အခက်အခဲ အကျပ်အတည်းကြားက “ သွားပါပြီ ဒီညတော့ မမရှိန်းထက်မြင့်မိုရ်ရဲ့ စတိတ်ရှိုးကိုလဲ မကြည့်ရတော့ဘူး” ဆို စိတ်ရှိုးကြည့်ဖို့ကို သတိရလိုက် ဖြစ်နေပါတယ်။
ကစ်တုန်က ခေသူမဟုတ်ပါဘူး။ ကစ်တုန်က သတ္တိရှိတယ်။ စွန့်စားရတာ ကြိုက်တယ်။ မတရား အနိုင်ကျင့်ရင် မခံတတ်ဘူး။ ကြောက်စိတ်တွေဖြစ်နေပေမဲ့ သူတို့လက်က လွတ်နိုင်ဖို့ လိုတယ်ဆိုတာ သတိပြုမိသွားတယ်။ ဒါနဲ့ ကားရဲ့ ပြူတင်းပေါက်ကနေ ခေါင်းထွက်ပြီး ရော့ခ်သီချင်းအော်ဆိုသလို အသံဗြဲကြီးနဲ့ “သားကို လူဆိုးတွေ ဖမ်းသွားတယ်၊ သားကို ကယ်ပါ” ဆို မရပ်မနား အော်လာတယ်။ ဘူဘူးလေးကလဲ အားကျမခံ တ၀ုတ်ဝုတ်နဲ့ လိုက်ဟောင်ပေးတယ်။ ကားမောင်းနေတဲ့ မုန်းစရာ ကြောက်စရာကောင်းတဲ့ ဦးလေးကြီးက “ ဟိတ် ကောင်လေး တိတ်စမ်း၊ အော်မနေနဲ့၊ နားငြီးတယ်၊ ငါ့ကို ဘာများ မှတ်သလဲ၊ လျှာဖြတ်ပစ်လိုက်မယ်၊” လို့ ကားမောင်းနေလျှက်က မျက်လုံးကြီး ပြူးပြီး လှမ်းအော်တယ်။ ကစ်တုန်တို့ တည်းခိုခန်းက မြို့ပြင်နားမှာဆိုတော့ အခုဆို မြို့အပြင်ဘက် ပိုလို့တောင် ရောက်တော့မယ် ထင်ပါရဲ့။ လမ်းတလျှောက် လူရော ကားရော ရှင်းနေတယ်။ အဲ့ဒီအချိန်မှာ ကစ်တုန်တို့ ကားစုတ်ကြီး ဘေးကနေ ပြိုင်ဘီးလေးတစ်စီး ၀ှစ်ခနဲ ဖြတ်မောင်းသွားတာ တွေ့လိုက်ရတယ်။ ဒါနဲ့ ကယ်သူတွေ့ပြီဆိုပြီး ကစ်တုန်တစ်ယောက် အသံဗြဲနဲ့ ထပ်အော်ပြန်တယ်။ စက်ဘီးမောင်းသူက စက်ဘီးမောင်းတဲ့ ခေါင်းစွတ်သံဦးထုပ်ဆောင်းထားလို့ သူ့မျက်နှာကို ကစ်တုန်မမြင်ရဘူး။ အဲ့ဒီဦးထုပ်ကြောင့် ကစ်တုန်ရဲ့ အကူအညီအော်တောင်းသံကို စက်ဘီးသမား ကြားမကြား မသေချာဘူး။
“သား ဖမ်းခံနေရတာပါ၊ သားကို ကယ်ပါ”
ရှိသမျှအသံကို အစွမ်းကုန်ညှစ်ထုတ် အော်လိုက်သံကြောင့် ပြိုင်ဘီးလေး အရှိန်လျော့သွားတယ်။ ကားစုတ်ကြီးက စက်ဘီးဘေးကနေ ဟွန်းတီးပြီး ဖြတ်ကျော်တက်တယ်။ အဲ့ဒီအချိန်မှာ သတ္တိရှိတဲ့ ကစ်တုန်က ကားပြူတင်းပေါက်ကနေ ကိုယ်တစ်ပိုင်းထွက် လက်လှမ်းပြပြီး ကားအနောက်မှာကျန်ခဲ့တဲ့ ပြိုင်ဘီးနင်းနေသူ ဆီကို အကူအညီ လှမ်းအော်တောင်းပြန်ပါတယ်။
“သား ဖမ်းခံနေရတာပါ၊ သားကို ကယ်ပါ”
“၀ုတ်… ၀ုတ်… ၀ုတ်”
ဘူဘူးကလဲ ကစ်တုန်ဘေးကနေ ခေါင်းဝင်ထိုးရင်း တ၀ုတ်ဝုတ်နဲ့ ၀ိုင်းကူဟောင်ပေးပါတယ်။ အဒေါ်ကြီးက ကစ်တုန်နဲ့ဘူဘူးလေး အော်နေတာကို နားညည်းလာတယ် ထင်ပါရဲ့၊ ကစ်တုန်တို့ကို ကားပြူတင်းပေါက် ကနေ ဆွဲချပြီး၊ ကစ်တုန်ရဲ့ခေါင်းကို ဒေါက်ခနဲ အာလူးသီးထွက်သွားအောင် ခေါက်လိုက်ယုံမကပဲ၊ ဘူဘူးလေးရဲ့နှာခေါင်းကိုလဲ လက်နဲ့ရိုက်ထည့်လိုက်တာမို့ တအိုင်အိုင်နဲ့အော်ရင်း ဘူဘူးလေး အသံတိတ်သွားပါတယ်။ ကစ်တုန် မျက်ရည်ဝဲလာပါတယ်။ စက်ဘီးလေးက အနောက်မှာ အဝေးကြီး ကျန်ခဲ့ပါပြီ။ ကစ်တုန် သိပ်ချစ်ရတဲ့ ဖေကြီးနဲ့မေကြီးကို ပြန်တွေ့ဖို့ မလွယ်တော့ပါဘူး။
ကားက မြို့ပြင်ရောက်လာတော့ လမ်းဘေးမှာ အိမ်တွေလူတွေ မတွေ့ရတော့ပဲ သစ်ပင်တွေပဲ တွေ့ရပါတယ်။ မျက်ရည်ကျတာ လူပျော့လူညံ့တွေရဲ့ အလုပ်လို့ ဖေကြီးပြောတာကို သတိရလိုက်မိလို့ ၀မ်းနည်းပြီး ငိုချင်စိတ်ကို ကစ်တုန် မနည်းအောင့်ထားရပါတယ်။ ကားက တစ်နာရီနီးပါး မောင်းသွားပြီးချိန်မှာ လမ်းဘေးဇရပ်ပျက်တစ်ခုနားမှာ တဖွတ်ဖွတ်မြည်ပြီး ရပ်သွားပါတယ်။ ဦးလေးကြီးက “ကားကို ရေဖြည့်ဖို့ တအောင့်နားမှဖြစ်မယ် ” ဆိုပြောပြီး ညေင်ပင်ရိပ်အောင်မှာ ကားကို ထိုးရပ်လိုက်ပါတယ်။ နေ၀င်ချိန်ရောက်ပြီမို့ ပတ်ဝန်းကျင်မှာ မှောင်စပျိုးနေပါပြီ။ ဦးလေးကြီးက ရေသွားရှာ ချိန် ဒေါ်ကြီးက ကစ်တုန်ကို ထွက်မပြေးနိုင် အောင် သေချာစောင့်ကြည့်နေပါတယ်။ ဦးလေးကြီး ပြန်အလာ ကို ဇရပ်ပေါ်က တိုင်တစ်တိုင်မှာ မှီပြီး စောင့်နေရင်း ကစ်တုန်မှေးခနဲ အိပ်ငိုက်သွားပါတယ်။
“၀ုတ်.. ၀ုတ်.. ၀ုတ်”
ဘူဘူးရဲ့ စူးစူးဝါးဝါး ထိုးဟောင်လိုက်သံကြောင့် ကစ်တုန် ငိုက်နေရာက လန့်နိုးသွားပါတယ်။ ခပ်လှမ်းလှမ်းမှာ ရေခပ်ပြီးပြန်လာနေတဲ့ ဦးလေးကြီးကို ဒေါ်ကြီးက မြန်မြန်လာဖို့ လှမ်းအော်ခေါ်ရင်း ကစ်တုန်တို့ကို ကားပေါ် အမြန်ပြန်တက်ခိုင်းပါတယ်။ ခုန ဘူဘူးထိုးဟောင်နေတဲ့ လာရာလမ်းကို ကြည့်လိုက်တော့ အရေးပေါ်ဥသြစွဲသံနဲ့အတူ မီးလုံးအနီလေး ၀ဲလည်လှည့်ပြီး လာနေတဲ့ ရဲကားတစ်စီးကို ၀မ်းသာစဖွယ် လှမ်းမြင်လိုက်ရလို့ ကစ်တုန် ထခုန်လိုက်ပါတယ်။ ကစ်တုန်တို့ကို ကယ်တင်မဲ့ သူတွေ ရောက်လာပါပြီ။ ရဲကားရဲ့အနောက်မှာ ကပ်ပြီးပါလာတာကတော့ ပြိုင်ဘီးလေးတစ်စီး။ ကစ်တုန် အသံကုန်ခြစ် အော်လိုက်ပါတယ်။
“သား ဖမ်းခံနေရတာပါ၊ သားကို ကယ်ပါ”
“သား ဖမ်းခံနေရတာပါ၊ သားကို ကယ်ပါ”
“သား ဖမ်းခံနေရတာပါ၊ သားကို ကယ်ပါ”
ကယ်တင်သူတွေ သေချာပေါက်လာပြီမို့ ၀မ်းသာစိတ်နဲ့ တင်းထားတဲ့မျက်ရည်တွေ ကစ်တုန်ရဲ့ မျက်ဝန်းက တလိမ့်လိမ့် ကျလာပါတယ်။ ရဲအရာရှိကြီးတွေ ကားအနားရောက်လာပြီး ဦးလေးကြီးနဲ့ ဒေါ်ကြီးကို ဖမ်းနေတုန်း စက်ဘီးပေါ်ကနေ ကစ်တုန်ရဲ့ ကယ်တင်ရှင် ဆင်းလာပါတယ်။ စက်ဘီးစီးခေါင်းစွတ် ဦးထုတ်ကို ချွတ်လိုက်ချိန်မှာတော့ ကစ်တုန် စိတ်မထိမ်းနိုင်တော့ပဲ သူ့ကို ပြေးဖက်လိုက်မိရင်း မျက်ရည်တွေ တတွေတွေ စီးကျလာပါတယ်။ ဘူဘူးလေးကလဲ ၀မ်းသာလို့လားမသိ၊ ခုန်ဆွခုန်ဆွနဲ့ သူ့ခန္ဓာကိုယ်ပေါ် ခုန်တက်ရင်း မျက်နှာကို လျာနဲ့လျက်ပါတယ်။ ကစ်တုန်ကိုတစ်ဘက်၊ ဘူဘူးကိုတစ်ဘက် ပွေ့ချီထားရင်း သူလည်း ပျော်နေပါတယ်။
ကစ်တုန် ဖေကြီးနဲ့မေကြီးရှိတဲ့ တည်းခိုခန်းကို ပြန်ရောက်ခဲ့ပါပြီ။ ဧည့်ခန်းထဲမှာ ဖေကြီးနဲ့မေကြီးကို မမရှိန်းမြင့်မိုရ်ထက်က ဖြစ်ကြောင်းရယ်ကုန်စင် ပြောပြနေပါတယ်။ မမရဲ့ဘေးက ခုံလေးမှာ ကစ်တုန်နဲ့ဘူဘူး က အပြစ်ရှိသူတွေလို ငြိမ်ငြိမ်ကုပ်ကုပ်လေး ထိုင်နေပါတယ်။ တည်းခိုခန်းအပြင် မှာတော့ မှောင်ရိပ်က ကြီးစိုးနေပါပြီ။
“ရှိန်းက တည်းခိုခန်းရောက်ရောက်ချင်း ကစ်တုန်နဲ့ ခြံထဲမှာ ဦးဆုံးတွေ့ပြီး ဘော်ဒါဖြစ်ခဲ့ပြီးသား၊ နောက်ပြီး ဒီမြို့လေးရောက်တိုင်း ရှိန်းက လူသူရှင်းတဲ့ ဒီတည်းခိုခန်းလေးမှာတည်းပြီး၊ ညနေတိုင်း မြို့ပတ်လမ်းတလျှောက် ပြိုင်ဘီးစီးနေကျလေ၊ ကစ်တုန်ကားပေါ်ကနေ လှမ်းအော်တော့ ဒီအသံကြား ဖူးပါတယ်ဆို ကောင်းကောင်းမှတ်မိသွားတယ်၊ ဒါနဲ့ မင်္သကာပြီး ရဲစခန်းကို ဖုန်းလှမ်းဆက်ပြီး ကားအနောက်ကနေ နောက်ယောင်ခံလိုက်ခဲ့တာ”
မမ ရှင်းပြပြီးတော့ ဖေကြီးနဲ့မေကြီးက မမကို ကျေးဇူးစကားအထပ်ထပ် ပြောပါတယ်။ မမက “ကစ်တုန်လေးက တခြားကလေးတွေလို မဟုတ်ပဲ သတ္တိရှိတယ်၊ ဖြတ်ထိုးဥာဏ်ကောင်းလို့ လူဆိုးတွေလက်က အခုလို လွတ်တာပါ၊ နောက်ဆို ဖေဖေမေမေရဲ့စကားကို နားထောင်နော်”လို့ ကစ်တုန်ရဲ့ ခေါင်းလေးကို ပွတ်ပြီး ပြောပါတယ်။ မေမေက “ သား မမက သားရဲ့ကျေးဇူးရှင်၊ သူသာ မကူညီခဲ့ရင် သားကို အခုလိုတောင် တွေ့နိုင်မှာမဟုတ်ဘူး၊ မမကို ကန်တော့လိုက် သား”လို့ ပြောလို့ ကစ်တုန်တစ်ယောက် မမကို ဦးချကန်တော့ မိပါတယ်။ မမက ကစ်တုန်ကို ကန်တော့နေရာက ထူမလိုက်ပါတယ်။ အဲဒီအချိန်မှာ မမရဲ့လက်ကိုင်ဖုန်း အဆက်မပြတ် မြည်လာပါတယ်။
“ကျွန်မ အခုလာခဲ့ပါမယ်၊ ကိစ္စလေးတစ်ခုရှိလို့ နောက်ကျသွားတာ တောင်းပန်ပါတယ်၊ ခနလေးပဲ စောင့်ပါနော်” လို့ ဖုန်းပြန်ဖြေအပြီးမှာ မမက ကစ်တုန်၊ ဖေဖေနဲ့မေမေကို နှုတ်ဆက် ရင်း နေရာက ထပါတယ်။ ဒါနဲ့ ကစ်တုန်က “မမ… မမက သီချင်းသွားဆိုမလို့ မဟုတ်လား၊ သားတို့လဲ မမရဲ့ စတိတ်ရှိုးကြည့်ဖို့ လက်မှတ်ဝယ်ထားတယ်၊ သွားကြည့်မှာ” လို့ ၀မ်းသာအားရ ပြောလိုက်မိတယ်။
ဖေကြီး၊ မေကြီး၊ မမ၊ ဘူဘူးနဲ့အတူ ကစ်တုန်တို့ စတိတ်ရှိုးကျင်းပမဲ့နေရာကို မမရဲ့ကားနဲ့ အတူသွားကြပါတယ်။ ဟိုရောက်တော့ အားလုံးက မမ အချိန်မီရောက်မလာပဲ ပျောက်နေလို့ဆို ၀ိုင်းပြီး စိတ်ပူနေကြတယ်။ မမက အပြုံးနဲ့ တောင်းပန်ရင်း ကစ်တုန်နဲ့ ဘူဘူးကို ဖေကြီးမေကြီးတို့လို ပွဲခင်းထဲကနေ စတိတ်ရှိုးကိုမကြည့်စေပဲ သူနဲ့အတူ စင်ပေါ်ကို ခေါ်လာတယ်။
စတိတ်စင်ကြီးက သားနားလွန်းတယ်။ မမရဲ့ပုံတွေနဲ့ လှနေအောင် ပြင်ဆင်ထားတယ်။ ကစ်တုန်တို့ စင်ပေါ်ရောက်တော့ လက်ခုပ်သံတွေနဲ့အတူ စင်အောက်မှာ ပရိတ်သတ်တွေ အများကြီးကို တွေ့လိုက်ရ တယ်။ သတ္တိရှိတဲ့ ကစ်တုန် လူသံလက်ခုပ်သံကြောင့် ပျော်သလို ခံစားရတယ်။ မမက လက်ထဲက မိုက်ခရိုဖုန်းနဲ့ စတိတ်စင်ရဲ့နောက်ခံမှာပေါ်နေတဲ့ စာတမ်းကို ကစ်တုန်ကို အသံထွက် ဖတ်ခိုင်းတယ်။ ပွဲခင်းတစ်ခုလုံး မီးကို ရေနဲ့ဖျန်းလိုက်သလို တိတ်ဆိတ်သွားတယ်။ ကစ်တုန် သတ္တိရှိတယ်။ မမ စကားနားထောင်မယ်။ စိတ်ကို တည်ငြိမ်အောင်ထားပြီး အသံအကျယ်ကြီးနဲ့ သေချာဖတ်ပြလိုက်တယ်။
“ နိုင်ငံကျော် ရော့ခ်အဆိုတော် ရှိန်းမြင့်မိုရ်ထက်၏ မိဘမဲ့ကလေးများအတွက်
တကိုယ်တော် ရန်ပုံငွေ ဖြေဖျော်ပွဲ”
ကြည်လင်ပြတ်သားတဲ့ ကစ်တုန်ရဲ့ အသံအဆုံးမှာ လက်ခုပ်သံတွေ ဆူညံသွားပါတော့တယ်။ ဘူဘူးက ကစ်တုန်ရဲ့ရင်ခွင်ထဲကနေ နားလည်နေသလို တ၀ုတ်ဝုတ်နဲ့ဟောင်ရင်း ဂုဏ်ပြုပေးနေပါတယ်။ မမက ကစ်တုန်ရဲ့ ပုခုံးကိုဖက်ရင်းက ပရိသတ်ကြီးကို ပြောပြပါတယ်။
“ ကျွန်မပွဲစချိန် နောက်ကျရခြင်းကို နည်းနည်း ရှင်းပြချင်ပါတယ်၊ ကစ်တုန်လေးတို့ မိသားစုနဲ့ ကျွန်မက တည်းခိုခန်းတစ်ခုမှာ အတူတူတည်းကြတာပါ၊ ဒီညနေမှာ မြို့ပြင်မှာ ကျွန်မစက်ဘီးစီးနေတုန်း ကစ်တုန်လေးကို ကလေးခိုးတဲ့ဂိုဏ်းက လူတွေ ဖမ်းသွားခြင်းခံနေရာကနေ အမှတ်မထင် ပြန်လည် ကယ်တင်ပေးခွင့် ရခဲ့ပါတယ်၊ ဒါကြောင့် ကျွန်မ ဒီကိုလာဖို့ နောက်ကျနေရတာပါ၊ နောက်ကျမှုအတွက် ချစ်ပရိသတ်ကြီးကို တောင်းပန်ပါ တယ်၊ ကျွန်မကိုယ်တိုင်က မိဘမဲ့တစ်ယောက်ဖြစ်တဲ့အတွက် ကလေးများဆို အင်မတန်ချစ်ပါတယ်၊ သူတို့ဟာ အင်မတန်မှ နုနယ်ဖြူစင်လှပါတယ်၊ ဒီတော့ ပရိသတ်ကြီးလဲ မိမိတို့ပတ်ဝန်းကျင်က ကလေးများကို ချစ်ခင်ကြပါ၊ ကာကွယ် စောင့်ရှောက်ကြပါလို့ တိုက်တွန်းချင်ပါတယ်၊ ဒီနေ့ ပွဲကရရှိတဲ့ လက်မှတ်ရောင်းခ အားလုံးကို မိဘမဲ့ကလေးသူငယ်များအတွက် တစ်ပြားမကျန် ပြန်လည်လှူဒါန်းပါမယ်၊ အခု ပထမဆုံးအနေနဲ့ ကစ်တုန်နဲ့ သီချင်းတစ်ပုဒ် အတူတူ ဆိုပြပါမယ်၊ ရော့ခ်ကာကြီး ကစ်တုန်ကို အားပေးကြပါဦးနော်”
ကစ်တုန်နဲ့ မမ တစ်ယောက်မျက်နှာကို တစ်ယောက် ကြည့်လိုက်တယ်။ ဟိုင်းဖိုက်လုပ်ပြီး လက်ဝါးချင်း ရိုက်လိုက်ပါတယ်။
လက်ခုပ်သံတွေ ထပ်မံထွက်ပေါ်လာပါတယ်။ ကစ်တုန် အားပါးတရ ပြုံးရင်း မမရဲ့သီချင်းကို သေချာ ဆိုပြလိုက်ပါတယ်။ ခနနေတော့ ပရိသတ်ကြီးလဲ မနေနိုင်တော့ပဲ လိုက်ဆိုကြတယ်။ ရော့ကာကြီး ကစ်တုန်နဲ့ အတူ ပရိသတ်များရဲ့ သံပြိုင်လိုက်ဆိုသံတွေက မြိုင်သာယာမြို့လေးရဲ့ ညဥ့်ယံမှာ ပျံ့လွင့်လို့နေပါတော့တယ်။
“စာနာပါ… နားလည်ပါ… မေတ္တာတွေထားပါ…
ကမ္ဘာမြေဟာ လှနေမှာ…
ချိုသာစွာ…ပြောဆိုပါ… အကြင်နာတွေ မျှဝေပါ
လူသားတို့အတူတူ ငြိမ်းချမ်းမှုအောက်မှာ ”
ဆန္ဒနဲ့ဘ၀ တစ်ထပ်တည်း ကျပါစေ။
ရင်တထိတ်ထတ်နဲ့ ဖတ်ရင်း ကစ်တုန်လေး ပြန်လည်လွတ်မြောက်လာတာကို ဝမ်းသာကြည်နှုးခံစားရပါတယ်အစ်မရေး)
မောင်ဘကြိုင်